بەشێک لە لایەنەکانی چوارچێوەی هەماهەنگی بایکۆتی دانیشتنی سبەی پەرلەمان دەکەن

 

ئاڤا نیوز

پەرلەمانتارانی دوو لایەنی سەرەکی لە هاوپەیمانیی چوارچێوەی هەماهەنگی بایکۆتی دانیشتنەکانی پەرلەمانی عێراق دەکەن.

چیرۆکی سەرەکی: سبەی شەممە دانیشتنی پەرلەمانی عێراق دەکرێت بۆ دەنگدان لەسەر دوو پرۆژە یاساو خوێندنەوەش بۆ چوار پرۆژەیاسای دیکە دەکات.

ڕاگەیێنراوی فەرمی: فراکسیۆنی هاوپەیمانیی دەوڵەتی یاسا، کە نووری مالیکی سەرۆکایەتیی دەکات و فراکسیۆنی بزووتنەوەی سادقوون، باڵی سیاسیی گرووپی چەکداریی عەسائیبی ئەهلی حەق، کە قەیس خەزعەلی سەرۆکایەتیی دەکات، لە دوو ڕاگەیێنراوی جیاوازدا بایکۆتی دانیشتنەکانی پەرلەمانی عێراقیان ڕاگەیاند و دەڵێن: تاوەکو یاسای خزمەت و خانەنشینی حەشدی شەعبی نەخرێتە کارنامەی پەرلەمانەوە، بەشداری دانیشتنەکان ناکەن.

زانیاریی زیاتر:  ڕۆژی 25ـی شوبات، ئەنجومەنی وەزیران ڕەشنووسی یاسای نوێی حەشدی شەعبیی پەسەند کرد و ڕەوانەی پەرلەمانی کرد بۆ دەنگدان لەسەری.