ئەعرەجی سەبارەت بە ڕوووداوەکەی فڕۆکەخانەی نەجەف ڕوونکردنەوە دەدات

 

ئاڤا نیوز

قاسم ئەعرەجی، ڕاوێژکاری ئاسایشی نیشتمانیی عێراق لەسەر ڕووداوەکەی فڕۆکەخانەی نەجەف کە بەم دواییانەدا هێزێکی سەربازی ئەمریکی و فڕۆکەیەکی ئەو وڵاتە هاتنە نێو فڕۆکەخانەی ئەو پارێزگایە ڕوونکردنەوەی دا.

چیرۆکی سەرەکی: لە ڕۆژانی ڕابردوو، هەواڵێک بڵاوکرایەوە سەبارەت بە نیشتنەوەی فڕۆکەیەکی ئەمریکی لە فڕۆکەخانەی نەجەف، دواتر هاتنە ناوەوەی هێزێکی سەربازی تایبەتی ئەمریکی بۆ ناو فڕۆکەخانەکە، بە ئامانجی ڕزگارکردنی ئەلیزابێس تسورکۆڤ، کچە ڕفێندراوەکەی ئیسرائیلی لە عێراق.

ڕاگەیێنراوی فەرمی: قاسم ئەعرەجی، ڕاوێژکاریی ئاسایشی نیشتیمانیی عێراق ڕایگەیاند: ئەوەی لە فڕۆکەخانەی نەجەف ڕوویدا بریتی بوو لە هاتنی تیمێکی چاودێریکردنی ئەمریکی سەردانی نەجەفیان کرد لەگەڵ حکومەتی خۆجێی کۆبوونەوە، گەشتەکە بە ڕەزامەندیی ئۆپەراسیۆنە هاوبەشەکان بووە.

گوتیشی، سەبارەت بە پووچەڵکردنەوەی هەوڵی ڕزگارکردنی کچە ڕفێندراوەکە، ئەمە چیرۆکێکە بەڵگە و ناوەڕۆکی لاوازە.