عەلوەیەکی هاوچەرخ لە ئاکرێ دروست دەکرێت

ئاڤا نیوز

لە ئاکرێ یەکێک لە گەورەترین عەلوەکان لەسەر ئاستی کوردستان و عێراق دروست دەکرێت و 75%ی کرێکارەکانی خۆماڵی دەبن.

 

لێدوانی فەرمی: بەرگەشت ئاکرەیی، گوتەبێژی دەستەی وەبەرهێنان بە ئاڤا نیوزی گوت: ناوی پرۆژەکە (عەلوەی هاوچەرخی ئاکرێ)یە و 18 ملیۆن و 980 هەزار دۆلاری ئەمریکی بۆ تەرخانکراوە. 

 

زانیاریی زیاتر: بە بڕیاری  حکومەتی هەرێمی کوردستان لەم پڕۆژەیەدا 75%ی دەستیکار تێیدا خۆماڵی دەبێت. پڕۆژەکە لەسەر ڕووبەڕی 245 هەزار مەتر دووجا بنیات دەنرێت.

ئەمەش بزانە: عەلوەکە لە چوار بەشی سەرەکی پێکدێت؛ بەشی میوەجات، بەشی سەوزەوات، بەشی فرۆشتنی ڕاستەوخۆی بەرهەمەکان و 27 کۆگا. هەروەها مزگەوت، بنکەی پۆلیس، چێشتخانە، بەرگریی شارستانی و تەواوی خزمەتگوزارییەکانی تێدا دەبێت.

بۆچی گرنگە: قەزای ئاکرێ یەکێکە لەو شوێنانەی بە بەرهەمی کشتوکاڵی بەناوبانگە، کردنەوەی ئەم عەلوەیە هاوکار دەبێت بۆ باشتر ساغکردنەوەی بەرهەمەکان. جگە لەمە سیمایەکی جوان بە قەزاکە دەبەخشێت، بەوپێیەی ئێستا خاوەنی شەش عەلوەی سەوزە و میوە و 33 شوێنی عەلافییە، بڕیارە سەرجەمیان بگوازرێنەوە بۆ ئەو شوێنە.