ڕووسیا داوای وەستانی گرژییەکانی سووریا دەکات

ئاڤا نیوز

 

ڕووسیا داوا لە لایەنەکانی سووریا دەکات ئارامی بپارێزن و کۆتایی بە خوێڕشتن، گرژی و پێکدادانەکان بهێنن.

 

وێنە گەورەکە: ماوەی سێ ڕۆژە شەڕ و پێکدادانەکان لە نێوان سوپای سووریای نوێ و پاشماوەی چەکدارانی سەر بە بەشار ئەسەد لە لازقییە بەردەوامە و تاوەکو ئێستا بە هۆیەوە دەیان کەس کوژران.

لێدوانی فەرمی: ماریا زاخارۆڤا، گوتەبێژی وەزارەتی دەرەوەی ڕووسیا ڕایگەیاند "ڕێبەرانی سووریا دەتوانن کاریگەرییان لەسەر گۆڕانکارییە مەیدانییەکان هەبێت، بۆیە ئێمە داوایان لێدەکەین هەموو هەوڵی خۆیان بۆ کۆتاییهێنان بە خوێنڕشتنەکان بخەنە گەڕ."

زانیاریی زیاتر: "وڵاتەکەی جەخت لە سەر سەروەری و یەکێتی و یەکپارچەیی خاکی سووریا دەکاتەوە و ئامادەیە تا لە نزیکەوە لەگەڵ هاوبەشەکانی دیکەی بۆ کەمکردنەوەی گرژییەکانی سووریا کار بکات". زاخارۆڤا وادەڵێت.

لەلایەکی دیکە: بەگوێرەی ئامارەکانی چاودێری مافی مرۆڤی سووریا، بەهۆی گرژییەکانی چەند ڕۆژی ڕابرودووی نێوان هێزەکانی حکومەتی سووریای نوێ و پاشماوەی ڕژێمی بەشار ئەسەد، زیاتر لە 300 کەس کوژراون.