وەزیری بەرگریی ئیسرائیل: ئەحمەد شەرع ماسکەکەی فڕێدا

ئاڤا نیوز

 

ئیسرائیل کاتز، وەزیری بەرگریی ئیسرائیل لەبارەی ڕووداوەکانی ئەم دواییەی ناوچەی ساحلی سووریا پەیامێکی ئاراستەی ئەحمەد شەرع، سەرۆککۆماری سووریا بۆ قۆناغی ڕاگوزەر دەکات.

 

وێنە گەورەکە: ڕێککەوتی 6-3-2025، لە ناوچەی کەناراوییەکانی سووریا پێکدادانەکان لەنێوان هێزە ئەمنییەکانی نوێی سووریا  و چەکدارانی ڕژێمی پێشوو ڕوویدا، بەهۆیەوە زیاتر لە 150 کەس کوژراون.

 

لێدوانی فەرمی: ئیسرائیل کاتز، وەزیری بەرگریی ئیسرائیل ڕایگەیاند، ''ئەحمەد شەرع ماسکەکەی دانا و ڕووخساری ڕاستەقینەی خۆی ئاشکرا کرد، ئەو تیرۆرستێکە سەر بە ڕێکخراوی قاعیدە و کردەوەی تووند بەرامبەر بە خەڵکی مەدەنی ئەنجام دەدات."

زانیاریی زیاتر: "ئیسرائیل لەبەرامبەر هەر هێرش و ‌هەڕەشەیەک کە لە سووریاوە سەرهەڵبدات بەرگری لە خۆی دەکات"، ئیسرائیل کاتز، وەزیری بەرگریی ئیسرائیل وادەڵێت.

 

بۆچوونی لایەنی بەرامبەر: هاوکات ئەحمەد شەرع، سەرۆککۆماری سووریا بۆ قۆناغی ڕاگوزەر، لەبارەی گرژییەکانی ئەمدواییانەی وڵاتەکەی هاتە دەنگ و ڕایگەیاند، "ئەو کەسانە بەدوای پاشماوەی ڕژێمی پێشوو کەوتوون و ڕووبەڕووی دادگا دەکرێنەوە".