شێخ دارا: بارانبارین تاوەکو دوو ڕۆژی داهاتوو بەردەوام دەبێت

ئاڤا نیوز

بەگوێرەی پێشبینییەکانی کەشوهەوا چاوەڕوان دەکرێت، ئەم شەپۆلی بارانبارینەی ڕووی لە ناوچەکانی هەرێمی کوردستان کردووە، تاوەکو دوو ڕۆژی دیکە بەردەوام بێت.

لێدوانی فەرمی: شێخ دارا، پێشکەشکاری کەشوهەوای ئاڤا، ڕایگەیاند:

- ئەم شەپۆلی بارانبارینە تاوەکو ڕۆژی سێشەممە ئەگەری مانەوەی هەیە، بەڵام لە ڕۆژانی 17 و 18 و 19ی ئەم مانگەوە شەپۆلێکی دیکەی بارانبارین ڕوو لە ناوچەکانی هەرێمی کوردستان دەکات.

- بەهۆی کاریگەری شەپۆلەکەی دەریای سپی ناوەڕاست و دەریای سوور پلەکانی گەرما دوو پلە دابەزیووە.

- تێکڕای پلەکانی گەرما بۆ ڕۆژی یەکشەممە بەرزترین پلە 8 بۆ 16 پلە، نزمترین پلە 6 بۆ 12 دەبێت، ڕادەی شێ 85% بۆ 95% دەبێت، هەروەها جوڵە و ئاراستەی با بەهێزە و 12 بۆ 25 کیلۆمەترە  لە یەک کاتژمێردا.

- لە باشووری عێراق جووڵەی با 25 بۆ 35 کیلۆمەترە لە یەک کاتژمێردا کە هەورەبروسکە و چەخماخە و خۆڵبارینی لەگەڵ دەبێت.

ئەوەی پێویستە بیزانیت: سبەی یەکشەممە بەرزترین و نزمترین پلەی گەرما لە شارەکانی هەرێمی کوردستان بەم جۆرە دەبێت:

هەولێر: بەرزترین پلەی گەرمی 15 و نزمترین 12 دەبێت.

سلێمانی: بەرزترین پلە 12 و نزمترین 7 دەبێت.

کەرکووک: بەرزترین پلە 16 و نزمترین 12 دەبێت.

هەڵەبجە: بەرزترین پلە 14 نزمترین 11 دەبێت.

دهۆک: بەرزترین پلە 12 و نزمترین 10 دەبێت.

ئیدارەی گەرمیان: بەرزترین پلە 20 و نزمترین 11 دەبێت.

ئیدارەی زاخۆ: بەرزترین پلە 13 و نزمترین 11 دەبێت.

ئیدارەی سۆران: بەرزترین پلە 11 و نزمترین 8 دەبێت.

ئیدارەی ڕاپەرین: بەرزترین پلە 9 و نزمترین 7 دەبێت.

پێنجوێن: بەرزترین پلە 11 و نزمترین 5 دەبێت.

حاجی ئۆمەران: بەرزترین پلە 1- نزمترین 3- دەبێت.