تەیف سامی بڕیارێک دژی فەرمانبەران و خانەنشینانی کوردستان دەردەکات

ئاڤا نیوز

 

پەیوەست بە خانەنشینانی هەرێمی کوردستان، وەزیری دارایی عێراق بڕیارێکی لە دژ دەرکردوون و داوا دەکات %3ی مووچەی بنەڕەتی 10 ساڵی ڕابردوویان ببڕێت. 

وێنە گەورەکە: لە ماوەی ڕابردوودا تاوەکو ئێستا چەندین شاندی هەرێمی کوردستان سەردانی بەغدایان کرووە بە مەبەستی چارەسەرکردنی گرفتی هاوتاکردنی مووچەی خانەنشینی لە نێوان کوردستان و عێراق، بۆ ئەو مەبەستەش بڕیارە سبەی شاندێکی دیکەی هەرێمی کوردستان دووبارە سەردانی بەغدا بکەن. 

زانیاریی زیاتر: وەزارەتی دارایی عێراق داوایکردووە ئەو فەرمانبەرانەی لە 01-1-2014 تاوەکو  01-7-2024 خانەنشین بوون، واتا 10ی ڕابردوویان، بڕی %3ی مووچەی بنەڕەتییان بەقیست لێ بگێڕدرێتەوە. 

-نەک هەر ئەوە بەڵکو داواکراوە ئەو فەرمانبەرانەی ئێستاش لە ئەرکدان داواکراوە هەمان بڕیار لێ ببڕدرێت. 

-فەرمانبەرانی پلە 10 کە کەمترین مووچەیان هەیە، پێویستە بڕی 600 هەزار دینار قەرزی ئەم 10 ساڵە بدەنەوە.

-فەرمانبەرانی پلە یەکیش کە زۆرترین مووچەی بنەڕەتییان هەیە، دەبێت 4 ملیۆن دینار بدەنەوە عێراق. 

ئەمەش بزانە: پێشتر لە کوردستان %3ی مووچەی بنەڕەتیی فەرمانبەران بۆ خانەنشینی دەبڕا بەڵام لە عێراق %10 بوو و پارەکەش دەخرایە سندووقی خانەنشینی.  لە کۆبوونەوەی نێوان هەردوو وەزارەتی پەیوەندیدار بڕیار دراوە ئەو پارەیە بە قیست لە خانەنشینان وەربگرێتەوە.