فایلی خەڵک؛ ژمارەیەک گوندی هەولێر بێ کارەبان

ئاڤا نیوز

چەند گوندێکی سنووری ناحیەی شەمامک ماوەی سێ ڕۆژە بێ کارەبان، بەڕێوەبەری كارەبای شەمامکیش ڕایدەگەیێنێت، لە كاتژمێرەكانی داهاتوو كارەبا بۆ ئەو ماڵانە دەگەڕێتەوە.

وێنە گەورەکە: ژمارەیەک گوندی ناحیەی شەمامك لە سنووری هەولێر سێ ڕۆژی بێ كارەبای نیشتمانین، زیاتر لە 150 کەس لە دانیشتووانی گوندەكانی داڵداغان و چیمەن و چەند گوندێكی دیكەی ئەو سنوورە پەیوەندییان بە ئاڤاوە كرد، بۆئەوەی  بەدواداچوونیان بۆ بکرێت. 

لێدوانی فەرمی: دەریا محەممەد، بەڕێوەبەری كارەبای شەمامك بە ئاڤا میدیای ڕاگەیاند:

- ئێستا  تیمەكانی بەڕێوەبەرایەتیی كارەبا سەرقاڵی چارەسەركردنی گرفتەكەن و لە كاتژمێرەكانی داهاتوودا چارەسەر دەكرێت و كارەبا بۆ ئەو ماڵانە دەگەڕێتەوە.

- بەمزووانە وێستگەی دیكەی كارەبایان بۆ دادەنرێت و بە یەكجاری گرفتی كارەبایان نامێنێت.