فیلمێکی دێکۆمێنتاری "حەبیبوڵا" لە وڵاتی پۆلۆنیا پلەی یەکەمی بەدەستهێنا

ئاڤا نیوز

 

فیلمێکی دێکۆمێنتاری عەدنان زەندی، دەرهێنەری کوردی خەڵکی سنە، لە فێستیڤاڵی "زووم"ـی وڵاتی پۆلۆنیا پلەی یەکەمی فیلمە دێکۆمێنتارییەکانی بەدەستهێنا.

 

لێدوانی فەرمی: عەدنان زەندی، دەرهێنەر و شانۆنامەنووس بە ئاڤا میدیای گوت: بە دێکۆمێنتارییەکی 30 خولەکی بەناوی "حەبیبوڵا"، بەشداریی لە فێستیڤاڵی 'زووم' لە پۆڵۆنیا کردووە.

 

زانیاریی زیاتر: 28ـین خولی فێستیڤاڵی فیلمی زووم لە پۆڵۆنیا ڕۆژی 8ـی مارس، هاوکات لەگەڵ ڕۆژی جیهانی ژنان کۆتاییهات و بەم بۆنەیەوە عەدنان زەندی خەڵاتەکەی پێشکەش بە ژنان کرد، بە تایبەت ژنانی کورد.

 

ئەوەی پێویستە بیزانیت: عەدنان زەندی، دەرهێنەر و شانۆنامەنووس تاوەکوو ئێستا چەندین فیلمی بەرهەمهێناوە و لە فێستیڤاڵە جیاوازە ناوخۆیی و جیهانییەکاندا بەشداریی کردووە و خەڵاتی بردووەتەوە.

 

ئەمەش بزانە: فێستیڤاڵی زوومی پۆڵۆنیا یەکێک لە گرنگترین فێستیڤاڵە سەربەخۆکانی بواری فیلم لە ئاستی ئەورووپا و هەموو ساڵێک بە بەشداریی فیلمسازانی وڵاتە جیاوازەکان، بەڕێوەدەچێت.