عێراق بۆ گەشەپێدانی سێکتەری تەندروستیی لیبیا لەسەر پێنج بواردا رێکدەکەوێت

 

ئاڤا نیوز

لیبیا و عێراق بۆ پەرەپێدان و باشترکردنی کوالیتی خزمەتگوزارییە تەندروستییەکان تاووتوێی ڕێککەوتنێکی دوو قۆڵی دەکەن.

چیرۆکی سەرەکی: دوێنێ سێشەممە، لە کۆبوونەوەیەکدا لە تەرابلوسی پایتەختی لیبیا کە لە نێوان ڕەمەزان ئەبوجەناح جێگری سەرۆکوەزیران و وەزیری تەندروستی لیبیا بە وەکالەت و ئەحمەد ئەلسەحاف بەرپرسی کاروباری باڵیۆزخانەی عێراق لە لیبیا بەڕێوەچوو، تاوتوێی کۆمەڵێک بابەت کراوە کە چۆن ئەم دوو وڵاتە بتوانن پەرە بە پەیوەندییە هاوبەشەکانیان بدەن.

ڕێککەوتنەکە بەمشێوەیەیە: لە کۆبوونەوەکەدا باس لەم بابەتانە کراوە و رۆژنامەی لیبیا هێرلاد بڵاویکردووەتەوە کە وردەکاری رێککەوتنی نێوان عێراق و لیبیا بەمشێوەیە دەبێت:

•    ڕێگاکانی بەهێزکردنی کاری هاوبەش لە کەرتی تەندروستیدا.

•    ئاڵوگۆڕی شارەزایی و ئەزموونی پزیشکی.

•    هەماهەنگی لە بوارەکانی ڕاهێنان و چاکسازی.

•    دامەزراندنی کارمەندانی پزیشکی عێراقی بۆ پاڵپشتیکردنی دامەزراوە تەندروستییەکان لە لیبیا.

زانیاری زیاتر: ئەبو جەناح جەختی لە پەرۆشی وەزارەتی تەندروستی لیبیا کردەوە بۆ بەرزکردنەوەی هەماهەنگی لەگەڵ وڵاتانی دیکە، و سوود وەرگرتن لە ئەزموونە سەرکەوتووەکان لە کەرتی تەندروستی، بە شێوەیەک کە بەشداربێت لە بەرزکردنەوەی کارایی سیستمی تەندروستی و باشترکردنی کوالیتی خزمەتگوزارییە تەندروستییەکان و پێشکەشکردنی بە هاوڵاتیە لیبییەکان.

ئەمەش بزانە: لەکۆی 190 وڵات لە ریزبەندی وڵاتانی جیهان بۆ پێوانەیی تەندروستی, عێراق لە ریزبەندی 175ـەمین وڵات دایە و  لیبیاش ریزبەندی 172 ـەمین وڵاتی گرتووە. ئەمە ئەوە دەردەخات لەسەر ئاستی نێودەوڵەتی لیبیا لەرووی تەندروستییەوە لە عێڕاق پێشکەووتووترە.