بۆ کۆبوونەوەی لوتکەی گۆڕانی کەشوهەوا درەختەکانی دارستانی ئامازۆن دەبڕدرێنەوە

ئاڤا نیوز

 

لەمیانی ئامادەکارییەکان بۆ کۆبوونەوەی لوتکەی کەشوهەوای جیهان و کەمکردنەوەی جەنجاڵی لەکاتی بەڕێوەچوونی لوتکەکە کە بڕیارە لە شاری بێلێم لە بەرازیل بەڕێوەبچێت، درەختەکانی دارستانی ئامازۆن دەبڕدرێتەوە.

 

وێنە گەورەکە: بڕیارە کۆبوونەوەی لوتکەی گۆڕانی کەشوهەوای جیهان لە مانگی 11 لە بەڕازیل بە ئامادەبوونی سەرکردەی وڵاتانی جیهان و بە میوانداریی زیاتر لە 50 هەزار کەس بەڕێوەبچێت. بۆ ئەم مەبەستە، ئامادەکارییەکان بە بڕینەوەی درختەکانی دارستانی ئامازۆن بۆ کەمکردنەوەی جەنجاڵی هاتووچۆ لە کاتی بەڕێوەچوونی لوتکەکە دەستی پێکرد.

 

ڕاگەیینراوی فەرمی: میدیاکانی بەریتانیا ڕایانگەیاند: وەک ئامادەکاری بۆ کۆبوونەوەی لوتکەی گۆڕانی کەشوهەوا کە لە بەڕازیل بەرێوەدەچێت ژمارەیەکی زۆر درەختی دارستانی ئامازۆن بڕاونەتەوە، ئامانجیش لێی ئاسانکارییە بۆ میوانانی بەشدار لە لوتکەکە.

 

ئەوەی لەبارەیەوە دەگوترێت: ئەم کارە ناڕەزایەتی ژینگەدۆستانی لێکەوتووتەوە و ڕایدەگەیێنن، کۆبوونەوەیەک کە باس لە گۆڕانی کەشوهەوا دەکات دارستانێک دەبڕدرێتەوە کە هیچ لەگەڵ ئامانجی لوتکەی گۆڕانی کەشوهەوا یەک ناگرێتەوە.

 

ئەمەش بزانە: دارستانی ئامازۆن یەکێکە لە گەورەترین و گرنگترین دارستانە باراناوییەکانی جیهان کە دەکەوێتە کیشوەری ئەمریکای باشوور و بەشێوەیەکی سەرەکی دەکەوێتە بەرازیل. ئەم دارستانە بە ڕووەکی چڕ و جۆراوجۆر و بە "سییەکانی زەوی" ناسراوە چونکە بڕێکی زۆر ئۆکسجین بۆ زەوی بەرهەم دەهێنێت.