گرووپی جی حەوت: پێشوازی لە ڕاگرتنی جەنگی نێوان ڕووسیا و ئۆکراینا دەکەین

 

ئاڤا نیوز

وڵاتانی گرووپی جی حەوت لە کەنەدا کۆبوونەوە و پێشوازیان لە پێشنیازی ئەمریکا بۆ ڕاگرتنی جەنگی نێوان ڕووسیا و ئۆکراینا کرد، و داواشیان کرد ئاگربەستی هەمیشەیی لە غەززە بێتە ئاراوە.

وێنە گەورەکە: دوای چەند هەفتەیەک لە گرژی نێوان هاوپەیمانەکانی ئەمریکا و دۆناڵد ترەمپ، بەهۆی هەڵوەشاندنەوەی سیاسەتی بازرگانی و ئاسایشی ڕۆژئاوا و سیاسەتی پەیوەست بە ئۆکراینا، دیپلۆماتکارانی وڵاتانی گروپی حەوت لەسەر ڕاگەیێنراوێکی هاوبەش بە ئامانجی نیشاندانی یەکێتی ڕێککەوتن.

ڕاگەیێنراوی فەرمی: گرووپی جی حەوت لە ڕاگەیێنراوێکدا ئاماژەیان دا بە:

٠ پشتیوانی لە یەکپارچەیی خاکی ئۆکراینا دووپاتدەکەینەوە و ئەگەر ڕووسیا پشتیوانی لە پێشنیازی ئاگربەست نەکات سزای نوێ بەسەر ئەو وڵاتەدا دەسەپێنین.

٠ داوادەکەین ڕێوشوێنی ئەمنی بەهێز بگیرێتەبەر بۆ پاراستنی ئۆکراینا لە دەستدرێژییەکانی ڕووسیا.

٠ داوای دەستپێکردنەوەی گەیاندنی هاوکارییە مرۆییەکان بۆ کەرتی غەززە و ئاگربەستی هەمیشەیی دەکەین.

لێدوانی فەرمی: میلانیا جۆلی، وەزیری دەرەوەی کەنەدا ڕایگەیاند: لەڕێگەی گفتوگۆ دوورودرێژەکانمانەوە توانیمان یەکێتییەکی بەهێزی گروپی جی حەوت لەسەر چەندین بابەتی جیاواز دروست بکەین کە ئەمڕۆ گفتوگۆیان لەسەر کرا و یەکێک لەو بابەتانە پەیوەستە بوو بە ئۆکراینا. هەموو وەزیرەکانی دەرەوەی گروپی جی حەوت هاوڕان لەگەڵ پێشنیازی ئەمریکا بۆ ئاگربەست کە لەلایەن ئۆکراینییەکانەوە پاڵپشتی دەکرێت و ئێمە ئێستا سەیری کاردانەوەی ڕووسیا دەکەین و خوێندنەوە بۆ دۆخەکە دەکەین. بۆیە، لە کۆتاییدا، ئێستا تۆپەکە لە گۆڕەپانی ڕووسیادایە.

لە لایەکی دیکەوە: دەیڤید لامی، وەزیری دەرەوەی بەریتانیا ڕایگەیاند، گروپەکە گەیشتوونەتە هەڵوێستی هاوبەش سەبارەت بە ئۆکرانیا، ڕۆژهەڵاتی ناوەڕاست، شەڕەکان لە ئەفریقا و چالاکییەکانی چین لە دەریای باشووری چین.