بەهۆی كەوتنی یارییەكی منداڵان لە كەربەلا حەوت كەس بریندار دەبن

ئاڤا نیوز

 

بەهۆی کەوتنەخوارەوەی یارییەکی منداڵان لە کەربەلا، ژمارەیەک منداڵ و ژن بریندار دەبن.

چیرۆکی سەرەکی: شەوی ڕابردوو لە پارکێکی یاریی منداڵان لە شاری کەربەلا، یەکێک لە یارییەکان دەکەوێتە خوارەوە و بەهۆی ئەو ڕووداوە حەوت ژن و منداڵ بریندار دەبن.

لێدوانی فەرمی: سەلیم کازم، بەڕێوەبەری تەندروستیی کەربەلا بە میدیا عێراقییەکانی ڕاگەیاندووە، بەهۆی ئەو ڕووداوە سێ منداڵ و چوار ژن برینداربوون، بەڵام سەرجەمیان برینەکانیان سووکە و لە نەخۆشخانە چارەسەریی پێویست وەردەگرن.

زانیاریی زیاتر: ڕووداوەکە لە شاری یاریی 'زەوئی قەمەر' ڕوویداوە و هێزە ئەمنییەکان بەهەماهەنگی لەگەڵ تیمەکانی بەرگری شارستانی دەستیان کردووە بە لێکۆڵینەوە بۆ زانینی هۆکاری ڕووداوەکە و دەرخستنی کەموکوڕییەکانی پڕۆژەکە.