پۆڵەندا: زامەکانی هەڵەبجە ساڕێژ نەبوون

ئاڤا نیوز

 

بەبۆنەی 37ـین ساڵیادی کیمیابارانی هەڵەبجە، باڵیۆزخانەی پۆڵەندا لە عێراق پەیامێکی بڵاوکردەوە و دەڵێت، بە ڕێزەوە یادی قوربانییانی ئەو ڕووداوە دەکەنەوە کە تائێستاش زامەکانی بە سیمای خەڵکی شارەکەوە ماون و ساڕێژ نەبوون.

 

چیرۆکی سەرەکی: ئەمڕۆ 37 ساڵ بەسەر کیمیابارانکردنی شاری هەڵەبجە لەلایەن ڕژێمی بەعسی لەناوچووی عێراق تێپەڕدەبێت، بەو بۆنەیەوە دەیان کەسایەتیی ناوخۆیی و جیهانی بەیاننامەی فەرمیان لەبارەی ئەو کارەساتەوە بڵاوکردەوە.

 

ڕاگەیێنراوی فەرمی: باڵیۆزخانەی پۆڵەندا لە عێراق ڕایگەیاند: "37 ساڵ لەمەوبەر، لە ئەنجامی کیمیابارانێکی دڕندانەدا لە هەڵەبجە پێنج هەزار هاوڵاتی مەدەنی گیانیان لەدەستدا، ئەمڕۆ یادی قوربانییەکان دەکەینەوە و ڕێز و هاوخەمی قووڵی خۆمان بۆ ڕزگاربووان دەردەبڕین، کە تا ئێستاش ڕووداوەکە بۆ ڕزگاربووان دیمەنێکی ڕاستەقینەیە و ڕۆژانە دێتەوە بەرچاویان".

 

ئەوەی پێویستە بیزانیت: بۆ یەکەم جار لە 37 ساڵی ڕابردوودا، ئەمڕۆ حکومەتی عێراق بۆ یادکردنەوەی قوربانیانی هەڵەبجە پشووی فەرمیی لە دامودەزگاکانی حکومەت ڕاگەیاند.