پارە دەدرێتە پڕۆژە بازرگانییە بچووک و مامناوەندەکان و لێیان وەرناگیرێتەوە

ئاڤا نیوز

ڕێکخراوی نێودەوڵەتی کۆچ IOM فۆڕمێکی بڵاوکردوەتەوە و ڕایگەیاندووە، ئەو ئافرەت و خاوەن پێداویستییە تایبەتانەی خاوەن کارن و دەیانەوێت پڕۆژە بازرگانییەکەیان گەورەتر بکەن، دەتوانن سوودمەند بن لەو بەخشینەی ڕێکخراوەکە تەرخانی کردووە.

مەرجە سەرەکییەکان: مەرجی ڕێکخراوەکە ئەوەیە، ئەو ئافرەتەی فۆڕمەکە پڕ دەکاتەوە دەبێت ڕەگەزنامەی عێراقی هەبێت، پڕۆژەکەی زیاتر لە ساڵێک بێت کار بکات و بەلایەنی کەمەوە کرێکارێکی هەبێت. جگە لەوە پڕۆژەکە تەنیا بۆ پارێزگاکانی سلێمانی و هەڵەبجە و ئیدارەکانی گەرمیان و ڕاپەڕینە.

ئەوەی پێویستە بیزانیت: ماوەی خۆ تۆمارکردن لە 2025-03-16، دەستیپێکردووە تا 2025-03-27، بەردەوام دەبێت. ڕێکخراوەکە پارە ناداتە ئەمجۆرە پڕۆژانە:

٠ شتومەکی سەربازی و چەک.

٠ پلاستیکی یەکجار بەکارهێنراو وەک (کوپ، شووشە، کیسە، کەلوپەلی مەتبەخ، قاپ و قاچاخ).

٠ ماددە زیانبەخشەکانی وەک تووتن، کهول و ڤەیپ و نێرگەلە.

٠ ئامێری پزیشکی و پێداویستی پزیشکی.

٠ مۆلیدە.

بۆچی گرنگە:  ڕێکخراوەکە  بڕی ئەو پارەیەی دەیبەخشێت لەنێوان شەش ملیۆن و 500 هەزار دینار تا 39 ملیۆن دینار دیاری کردووە، وە نە زیادەی دەچێتەسەر و نە لێیان وەردەگیرێتەوە.