فایلی خەڵک؛ ماوەی شەش مانگە مووچەی بەشێک لە وارسی شەهیدانی شەڕی داعش ڕاگیراوە

ئاڤا نیوز

ماوەی زیاتر لە شەش مانگ دەبێت مووچەی ژمارەیەک وارسی شەهیدانی شەڕی داعش ڕاگیراوە، بەڕێوەبەریی بەڕێوەبەرایەتیی گشتیی کاروباری شەهیدان و ئەنفالکراوانیش دەڵێت، لیژنەیەکی هاوبەش بۆ ئەو مەبەستە پێکهێنراوە و لەکاتی تەواو بوونی مامەڵەکانیان مووچەکانیان وەردەگرنەوە. 

وێنە گەورەکە: ماوەی شەش مانگ زیاترە مووچەی 146 وارسی شەهیدانی شەڕی داعش ڕاگیراوە کە سەربە بەڕێوەبەرایەتی گشتیی بەرگری و فریاکەوتنن، ئێستا لە چاوەڕوانی چارەسەرکردنی ئەو گرفتەیان دان. 

لێدوانی فەرمی: ئەدیب لەتیف، بەڕێوەبەری بەڕێوەبەرایەتیی گشتیی کاروباری شەهیدان و ئەنفالکراوان لە سلێمانی دەڵێت، " مانگی نۆی ساڵی 2024، لیژنەی چاودێری دارایی لە نێوان بەغدا و هەولێر گوتیان دەبێت مووچەی ئەو وارسانە بگوازرێتەوە بۆسەر وەزارەتی شەهیدان. 

- لیژنەیەکی هاوبەش لەنێوان وەزارەتەکانی ناوخۆ و شەهیدان پێکهێنراوە و کار لەسەر گواستنەوەی مووچەکانیان دەکەن. 

- هەر کاتێک مامەڵەی ئەو وارسانە تەواو بوو، سەرجەم مووچەکانیان وەردەگرنەوە و هیچ مووچەیەکیان نافەوتێت.