ژمارەی ئەو فڕۆکانەی ئاسمانی عێراق بەکاردێنن زیاد دەکات

ئاڤا نیوز

 

وەزارەتی گواستنەوەی عێراق ئاشکرای دەکات، ڕۆژانە زیاتر لە 650 فڕۆکە ئاسمانی عێراق بەکار دێنن.

 

ڕاگەیێنراوی فەرمی: وەزارەتی گواستنەوەی عێراق ڕایگەیاند: گەشتەکانی چوون و هاتن و ئەوانەی ئاسمانی عێراقیان بەکارهێناوە زیادبوونی بەرچاوی تۆمارکردووە، ژمارەکە ڕۆژانە دەگاتە 600 بۆ 650 فڕۆکە.

 

بۆچی گرنگە: زۆربوونی ژمارەی گەشتە ئاسمانییەکان لەنێوان وڵاتانی دیکە لەگەڵ هەرێمی کوردستان و عێراق هۆکارێکە بۆ زیاتر جوڵەی گەشتیاری و جموجۆڵی بازرگانی و گواستنەوەی ئاسمانی.

 

زانیاریی زیاتر: وەزارەتی گواستنەوە فڕۆکەخانەی نێودەوڵەتی بەغدا نۆژەن دەکاتەوە، هاوکات لە ناوەڕاستی ئەمساڵ کارەکانی تەواوکردنی فڕۆکەخانەی نێودەوڵەتیی موسڵ و کۆتایی ئەمساڵ فڕۆکەخانەی نێودەوڵەتیی ناسریە تەواو دەبن، کارکردن لە فڕۆکەخانەی نەجەفیش بەردەوامە.