تەیف سامی بەشداریی کۆنفرانسی نێودەوڵەتیی قەرز دەکات

 

 

ئاڤا نیوز

وەزیری دارایی عێراق، بەشداریی کۆنفرانسی نێودەوڵەتیی قەرز لە جنێڤ دەکات، دووپاتیشی دەکاتەوە؛ حکومەتی عێراق پابەندە بە پەسەندکردنی باشترین پراکتیزە نێودەوڵەتییەکان لە بەڕێوەبردنی قەرزە گشتییەکان.

چیرۆکی سەرەکی: تەیف سامی، وەزیری دارایی عێراق بەشداریی لە خولی 14ـەمینی کۆنفڕانسی نێودەوڵەتیی بەڕێوەبردنی قەرز کە نەتەوەیەکگرتوەکانی بازرگانی و گەشەپێدان (UNCTAD) ڕێکیخستووە، لە ڕۆژانی 17-19ـی ئەم مانگە لە جنێڤ بەڕێوەدەچێت.

ڕاگەیێنراوی فەرمی: بە گوێرەی وەزارەتی دارایی عێراق، تەیف سامی لەگەڵ ڕێبیکا کرینسبان ئەمینداری گشتیی ڕێکخراوەکە کۆبووەوە و ڕایگەیاند: چاوی لەوەیە سوود لە شارەزایانی بوارەکە وەربگرێت و سوورن لەسەر ئەوەی باشترین رێگە لە بەڕێوەبردنی قەرزدا پەیڕەو بکەن.

زانیاریی زیاتر: بەشداری وەزیری دارایی لە چوارچێوەی هەوڵەکانی حکوومەتی عێراق دێت بۆ بەهێزکردنی میکانیزمی بەڕێوەبردنی قەرزی گشتی و داڕشتنی ستراتیژی دارایی و ئاڵوگۆڕی شارەزایی و بۆچوون لەگەڵ بەشداربووانی وڵاتانی جیاجیا بۆ بەرزکردنەوەی هاریکاری ئابووری و دارایی نێودەوڵەتی.

ئەوەی پێویستە بیزانیت: بەگوێرەی شارەزایانی ئابووریی عێراق، کۆی گشتی قەرزی دەرەکی و ناوخۆی عێراق نزیکەی 96 ترلیۆن دیناری عێراقییە، کە 19.5 ترلیۆن دینار (15 ملیار دۆلار) قەرزی دەرەکییە.