دوای هێرشی سەر حووسییەکان ترەمپ بەرەو یاری گۆڵف ڕۆیشتووە

 

ئاڤا نیوز

دوای ئەوەی خۆی سەرپەرشتی هێرشی سەر حووسییەکانی یەمەنی کرد، دۆناڵد ترەمپ، سەرۆکی ئەمریکا، واشنتنی جێهێشتووە و بەرەو فلۆریدا ڕۆیشتووە بۆ ئەنجامدانی یاری گۆڵف.

چیرۆکی سەرەکی: دوێنێ دوای ئەوەی سەرپەرشتی هێرشی ئەمریکای لە یەمەن بۆسەر حووسییەکان کردووە، دۆناڵد ترەمم بە ستافەکەی وتووە، من ماندووم دەڕۆمەوە بۆ فلۆریدا تۆزێک جەوم دەگۆڕم و یاری گۆڵف دەکەم.

زانیاریی زیاتر: هەر گەیشتووەتە یاریگای یاری گۆڵفەکە پاڵەوانێتییەکی کردووەتەوە و دوای پاڵەوانێتییەکە لە ئەکاونتی خۆی لە تروس سۆشیاڵ پۆستی کردووە و دەڵێت، پاڵەوانێتی یاری گۆڵفم بردەوە و ڕەنگە دواجار بێت، شانازییەکی زۆر گەورەیە بۆم و سوپاسی ستاف و یاریزانە بەتواناکانی گۆڵف دەکەم بەشدارییان لەم پالەوانێتییەدا کرد و بۆ خۆمان جەوێکمان گۆڕی.

ئەوەی پێویستە بیزانیت: ئەمە شەشەم جارە لە ماوەی دوو مانگی دەستبەکاربوونی ترەمپ بۆ یاریکردن لە واشنتنەوە دەچێتەوە بۆ فلۆریدا، ئەمریکییەکانیش بە تەنزەوە دەڵێن سەرۆک هەرچی مەسرەفی حکومەتە ڕایگرتووە و دەڵێت بارگرانییە لەسەرمان کەچی ئەو باجەی دەیدەین بەشی گەشتەکانی سەرۆک ناکات بۆ ئەوەی یاری گۆڵف بکات.