لە کەرکووک مین بە باوک و کوڕێکدا تەقییەوە

ئاڤا نیوز

 

لە ناوچەی جەبەل بۆری لە پارێزگای کەرکووک بەهۆی تەقینەوەی مینەوە باوکێک گیان لە دەست دەدات و کوڕەکەشی برینداربووە کە بۆ گەشتکردن سەردانی ناوچەکەیان کردبوو. 

 

لێدوانی فەرمی: عامر شوانی، گوتەبێژی پۆلیسی کەرکووک بە ئاڤا نیوزی ڕاگەیاند: مینێکی سەردەمی بەعس لە ناوچەی جەبەل بۆری سەر بە ناحیەی لەیلانی پارێزگای کەرکووک تەقییەوە و بەهۆیەوە هاونیشتمانییەک گیانی لە دەست دا و کوڕەکەشی کە تەمەنی 12 ساڵانە بریندار بوو.  

 

زانیاریی زیاتر: ئەو خێزانە، بەمەبەستی گەشتکردن سەردانی ناوچەی جەبەل بۆری لە ناحیەی لەیلانی پارێزگای کەرکووکیان کردووە. 

 

داواکاری: پۆلیسی کەرکووک داوا لە هاووڵاتیان دەکات لە کاتی گەشت و سەیراندا لەو ناوچانە دوور بکەونەوە کە مەترسییان لەسەرە.