فایلی خەڵک؛ لە سلێمانی باخچەیەک دەکرێتە شوێنی نیشتەجێبوون

ئاڤا نیوز


پارچە زەوییەکی 500 مەتری لە کارێزە وشکەی سلێمانی کە بڕیاربوو بکرێتە باخچەیەک، بەڵام شارەوانی بڕیاری گۆڕینی ڕەگەزی زەوییەکەی داوە و دەڵێتم وەک  قەرەبوو داویانەتە چوار هاونشتمانی.

وێنە گەورەکە: ئەمڕۆ هاونشتیمانیانی گەڕەکەکە گردبوونەوە و داوا دەکەن ئەو زەوییەی کە بۆ باخچە دانرابوو، ڕەگەزی نەگۆڕدرێت بۆ نیشتەجێبوون. بەهرۆز سالار، بەڕێوەبەری ئەندازەیی پارکەکانی سلێمانی دەڵێ، ئەنجوومەنی شارەوانی بڕیاری گۆڕینی ڕەگەزی زەوییەکەی داوە.

زانیاریی تایبەت: ئاڤا زانیویەتی زەوییە 500 مەتر دووجاکە وەک قەرەبوو دەدرێتە چوار ماڵ کە خانووەکانیان کەوتووەتە ناو فراوانکردنی شەقامی دوو ئاراستەی گەڕەکی کارێزە وشک.