سەرۆکی گەورە شارەوانی ئیستەنبووڵ دەستبەسەرکرا

 

ئاڤا نیوز

ئەکرەم ئیمامئۆغلو، سەرۆکی گەورە شارەوانی ئیستەنبووڵ، بە تۆمەتی ئەوەی بڕوانامەکەی ساختەیە، بەرەبەیانی ئەمڕۆ لەگەڵ 105کەس کە سەرۆک شارەوانییەکانی دیکەی سەر بە جەهەپە و چەند هونەرمەندێکی تێدایە دەستبەسەرکران.

بۆچی گرنگە: هەڵوەشاندنەوەی بڕوانامەکەی ئەکرەم ئیمامئۆغڵو، کاریگەری لەسەر خۆکاندیدکردنی وەک سەرۆککۆماری تورکیا دەبێت.

ئەمەش بزانە: ئیمامئۆغلو لە ماوەکانی ڕابردوو لە تۆمارێکی ڤیدیۆیی خۆی وەک کاندیدی سەرۆکایەتی کۆماری تورکیا و سەرۆککۆماری داهاتووی تورکیا ڕایگەیاند.

کاریگەری و لێکەوتەکان: شەقامی تەقسیم لە ئیستەنبووڵ بەتەواوی داخرا، ئەمەش بەهۆی مەترسی دروست بوونی ناڕەزایەتی لەلایەن جەماوەری جەهەپە و ئۆپۆزسیۆن لە تورکیا.