زانکۆی هارڤارد خوێندنی بێبەرامبەر بۆ بەشێک لە قوتابییان دابین دەکات

 

ئاڤا نیوز

زانکۆی هارڤاردی ئەمریکی کە یەکێکە لە باشترین و بەناوبانگترین زانکۆکانی ئەمریکا و جیهان، بۆ ساڵی نوێی خوێندن، خوێندنی بێبەرامبەر بۆ بەشێک لە قوتابییان دابین دەکات.

زانیاریی بەدەستهاتوو: زانکۆی هارڤاردی ئەمریکی بۆ ساڵی خوێندنی 2025-2026، خزمەتگوزاریی خوێندنی بێبەرامبەر پێشکەشی ئەو قوتابییانە دەکات کە داهاتی ساڵانەی خێزانیان لە 200 هەزار دۆلار کەمتر بێت.

زانیاریی زیاتر: لەپاڵ ئەوەشدا، ئەو قوتابییانەی داهاتی ساڵانەی خێزانیان لە 100 هەزار دۆلار کەمتر بێت، دابینکردنی شوێنی مانەوە، ژەمەکانی خواردن، خزمەتگوزاریی تەندروستی، تێچووی گەشتەکانیان لە ئەستۆی زانکۆکە دەبێت.

ڕاگەیێنراوی فەرمی: بەگوێرەی ڕاگەیێنراوی فەرمیی زانکۆکە، بەم ئاسانکارییە 86% خێزانە ئەمریکییەکان دەتوانن پشتیوانیی دارایی بۆ خوێندن لەو زانکۆیە بەدەست بێنن.