گرژییەكانی توركیا بەهای لیرەی توركیی دابەزاند

ئاڤا نیوز

 

بەهۆی ئەو گرژی و ئاڵۆزییانەی كە لە چەند شارێكی توركیا بەهۆی دەستگیركردنی گەورە سەرۆک شارەوانی ئیستەنبووڵ و دەیان بەرپرسی دیكەوە دروست بووە، ئەمڕۆ بەهای لیرەی توركی زیاتر دابەزی.

 

چیرۆکی سەرەکی: بەرەبەیانی ڕۆژی چوارشەممە دوای پارشێو، ئەکرەم ئیمامئۆغلو، سەرۆکی گەورە شارەوانی ئیستەنبووڵ بە تۆمەتی گەندەڵیکردن و پشتیوانیکردن لە تیرۆر دەستگیر کرا، لە گەڵیشیدا 106 کەسی دیکە کە سەرۆک شارەوانیی شیشلی و چەند هونەرمەندێک و ئەندامانی جەهەپەی تێدایە، دەستبەسەر کران.

 

لێدوانی فەرمی: كەیفی خۆشناو، گوتەبێژی بازاڕی دۆلاری هەولێر بە ئاڤا میدیای ڕاگەیاند: گرژییەكانی ئیستەنبووڵ و شارەكانی دیكەی توركیا كاریگەریی ڕاستەوخۆیان لەسەر دابەزینی بەهای لیرەی توركی هەبووە، پێش ڕووداوەكان بەهای 100 دۆلار بەرامبەر بە 3700 لیرەی توركی بوو بەڵام دوێنێ بۆ چوار هەزار لیرە دابەزی و ئەمڕۆش 100 دۆلار بەرامبەر بە 3800 لیرەی توركی مامەڵەی پێوە دەكرێت.

 

زانیاریی زیاتر: بەپێی گوتەی كاسبكارانی بازاڕی دۆلار، لە ئەگەری بەردەوامبوونی گرژییەكان و زیاتر پەرەسەندنی، بەهای لیرەی توركی زیاتر دادەبەزێت.