هەفتەی داهاتوو دانوستانەکانی ڕووسیا و ئۆکراینا لە سعودییە دەستپێدەکات

ئاڤا نیوز

بڕیار وایە هەفتەی داهاتوو جارێکی دیکە دانوستانەکانی نێوان ڕووسیا و ئۆکراینا لە شاری جەددەی سعودییە دەستپێبکاتەوە. ئەگەر هەیە ئاگربەست بۆ کۆتاییهێنان بە جەنگ بێتە ئاراوە.

لێدوانی فەرمی: ستیڤ ویتکۆف، نوێنەری ئەمریکا و نێردەی تایبەتی دۆناڵد ترەمپ بۆ کاروباری ڕۆژهەڵاتی ناوەڕاست ڕایگەیاند: گفتوگۆی تەکنیکی بە ئامانجی کۆتاییهێنان بە جەنگی ڕووسیا و ئۆکراینا لە 23-3-2025 لە سعودییە دەستپێدەکات. 

- ئەگەر هەیە ئاگربەستێکی تەواو کە لە چەند ڕۆژی داهاتوودا ڕێککەوتنی لەسەر بکرێت و بگەین بە ئامانجێک.

ئەوەی پێویستە بیزانیت: لە 11-3-2025 گەڕی یەکەمی دانوستان لەنێوان بەرپرسانی ئەمریکا و ئۆکراینا لە سعوودیە بە مەبەستی پڕۆسەی ئاشتی ئۆکراینا و ڕاگەیاندنی ئاگربەست بەڕێوەچوو.

باکگراوند: ڕۆژی سێشەممە 18-03-2025، پەیوەندییەکی تەلەفۆنی لە نێوان پووتین و ترەمپ کرا، مۆسکۆ ئامادەیی خۆی بۆ پێشنیازی ئەمریکا دەربری بە مەرجی "ئاگربەستی وزە و ژێرخان" لە شەڕی ئۆکراینا. هاوکات ڕێککەوتن لەسەر ئەوەی کە دەبێت دەستبەجێ گفتوگۆکانی ئاگربەستێکی فراوانتر دەستپێبکەن، مۆسکۆش چەند مەرجێکی بۆ ئۆکراینا داناوە.