حکومەتی عێراق پێکهێنانی شانەیەکی قەیرانی ئەمنی ڕەتدەکاتەوە

ئاڤا نیوز

 

حکومەتی عێراق پێکهێنانی شانەیەکی قەیرانی ئەمنی بۆ چاودێریکردنی پێشهاتەکانی سەر سنوور لەگەڵ سووریا ڕەتکردەوە.

 

چیرۆکی سەرەکی: لەتۆڕە کۆمەڵایەتییەکان و میدیا عێراقییەکان هەواڵی پێکهێنانی شانەیەکی قەیرانی ئەمنی بە سەرۆکایەتیی محەممەد شیاع سوودانی، سەرۆکوەزیرانی عێراق بۆ چاودێریکردنی پێشهاتەکان و کۆنترۆڵکردنی سنووری عێراق و سووریا بڵاوبووەتەوە، ئەمەش وەک بەشێک لەڕێککەوتنی ئەمنی نێوان بەغدا و دیمەشق هاتووە .

 

لێدوانی فەرمی: سەباح نوعمان، گوتەبێژی فەرماندەی هێزە چەکدارەکانی عێراق ڕایگەیاند: هەواڵی پێکهێنانی شانەیەکی قەیرانی ئەمنی بۆ چاودێریکردنی پێشهاتەکان و کۆنترۆڵکردنی سنووری عێراق و سووریا دوورە لەڕاستییەوە و حکومەتی عێراق و فەرماندەیی هێزە چەکدارەکان بەهیچ شێوەیەک بڕیاری لەم جۆرەیان نەداوە و هیچ لیژنەیەکیشیان بۆ ئەم مەبەستە پێکنەهێناوە. 

 

زانیاریی زیاتر: نوعمان ئاماژە بەوەشکرد، پێویستە دەزگاکانی ڕاگەیاندن ڕەچاوی ئاساییشی نیشتمانی بکەن و هەواڵ لە سەرچاوە فەرمییەکانەوە وەربگرن و بڵاویبکەنەوە.