لە وڵاتێکی عەرەبی ژنێك بوو بە سەرۆكوەزیران

ئاڤا نیوز

لە پێشهاتێکی  سیاسی سەرنجڕاکێشدا، سەرۆککۆماری تونس، ئەندازیار سارا زەعفەرانی زەنزری ڕاسپارد بۆ سەرۆکایەتی ئەنجوومەنی وەیزانی وڵاتەکەی، بەمەش زەنزری دەبێتە دووەم ژن لە مێژووی تونس کە یەکێک لەباڵاترین پۆستی وڵاتەکەی بەدەستبهێنێت.

وێنە گەورەکە: ئەمڕۆ 21-3-2025، قەیس سەعید، سەرۆككۆماری تونس، كامیل مەدووری لە پۆستی سەرۆكوەزیران دوورخستەوە و مەرسومێکی سەرۆکایەتی بۆ سارا زەعفەرانی ڕاسپارد بۆ ئەو پۆستە، ئەمەش لەکاتێکدا کۆمەڵێک قەیرانی ئابووری ڕووی لەتونس کردووە، لەوانە هەڵاوسان و بێکاری، کەڵەکەبوونی قەرزی دەرەکی و دابەزینی یەدەگی دراوی بیانی.

ڕاگەیێنراوی فەرمی: نووسینگەی سەرۆككۆماری تونس بەیاننامەیەکی بڵاوکردەوە و تێیدا جەختی لە تێپەڕاندنی ئاستەنگەكانی بەردەم گەیشتن بە خواستەكانی گەلی تونس کردەوە.

زانیاریی زیاتر: سارا زەعفەرانی زەنزری لە ساڵی 1963 لە تونسی پایتەخت لەدایک بووە، خاوەنی بڕوانامەی ماستەرە لە ئەندازیاری جیۆتەکنیکی لە زانکۆی هانۆڤەر لە ئەڵمانیا. جگە لە زمانی دایکی، زمانی فەرەنسی و ئینگلیزی و ئەڵمانی بە باشی دەزانێت.

ئەوەی پێویستە بیزانیت: زەنزری لە 11ـی تشرینی یەکەمی 2021 بوو بە وەزیری نیشتەجێبوون، هاوکات ئەرکی بەڕێوەبردنی وەزارەتی گواستنەوە و گەیاندنی پێڕاسپێردرا.

ئەمەش بزانە: پێشتر نەجلە بۆدن، لە ئۆکتۆبەری 2021 تاوەکو ئابی 2023 وەک یەکەم ئافرەت لەمێژووی تونس ئەرکی سەرۆکوەزیرانی ئەو وڵاتەی گرتە ئەستۆ.