خەڵکێکی زۆر بۆ بەربانگ کردنەوە ڕوویان لە سەیرانگاکان کردووە

 

ئاڤا نیوز

لە یەکەم ڕۆژی نەورۆز، ژمارەیەکی زۆر خێزان لە هەولێر و سلێمانی بۆ بەربانگ کردنەوە ڕوویان لە سەیرانگاکان کردووە و بەشێکیان دەڵێن تا پارشێو دەمێنینەوە.

چیرۆکی سەرەکی: بەگۆی ئەوەی دووەم ساڵە جەژنی نەورۆز دەکەوێتە ناو مانگی ڕەمەزان، ئەمڕۆ 21ــەمین ڕۆژی ڕەمەزان یەکەم ڕۆژی نەورۆز بوو، خەڵکێکی زۆر بۆ بەربانگ کردنەوە ڕوویان لە سەیرانگاکان کردووە.

لە پەیامنێرانەوە: عوبێد بەشار پەیامنێری ئاڤا لە هەولێر چووەتە سەیرانگای هەنارە خێزانێکی زۆر لەوێن. ئەوان دەڵێن نەورۆزمان پیرۆز کرد و بەربانگی خۆشمان لێرە کردەوە، بەشێک لە خێزانەکان دەڵێن تا پارشێو لەوێ دەمێنینەوە.

لەلایەکی دیکەوە، چۆمان مەحمود پەیامنێری ئاڤا لە سەیرانگای قەشقۆڵی دوکان چەند خێزانێکی دواندووە، ئەوان دەڵێن، دوو ساڵە بەربانگی ڕەمەزان لە سەیرانگاکان دەکەینەوە.