عێراق لە ڕێگەی عادل عەبدولمەهدی هەوڵی داخستنی بارەگاکانی حووسییەکان دەدات

 

 

 

ئاڤا نیوز

میدیا عەرەبییەکان ئاشکرایان کردووە، عێراق لە ڕۆژانی ڕابردوودا، عادل عەبدولمەهدی، سەرۆکوەزیرانی پێشووتری عێراق چۆتە یەمەن بۆ تاوتوێکردنی بوونی بارەگای حووسییەکان لە عێراق.

وێنە گەورەکە: دوای هێرشەکانی ئەمریکا بۆ سەر پێگە و بارەگاکانی حووسییەکانی یەمەن، گرووپە چەکدارەکانی عێراق فشار لەو گرووپە دەکەن چالاکییان لە عێراق کەمبکەنەوە و بارەگاکانیان دابخەن لە ترسی هێرشکردنە سەریان لەلایەن ئەمریکا و ئیسرائیلەوە.

زانیاریی زیاتر: "تۆڕی سکای نیوز عەرەبی" لە زاری سەرچاوە عێراقییەکانەوە بڵاویکردووەتەوە، "عێراق عادل عەبدولمەهدی ناردووەتە یەمەن بۆ گفتوگۆکردن لەسەر بوونی نوێنەرایەتیی حووسییەکان لە عێراق، پێدەچێت حووسییەکان لەژێر فشاری چوارچێوەی هەماهەنگیدا بارەگاکانی خۆیان لە عێراق دابخەن.

سەرچاوەکان ڕوونیان کردووەتەوە؛ سەرەڕای داخستنی یەکێک لە بارەگاکانی حووسییەکان تا ئێستاش بارەگا سەرەکییەکەیان لە بەغدا ماوە.

ئەمەش بزانە: لە ڕۆژانی ڕابردوودا، لەسەر داوای گرووپێکی چەکداریی شیعی، حووسییەکان بارەگایەکی ستراتیژییان لە ناوەڕاستی بەغدا داخستووە.