بریکارەکانی خۆراک لە هەولێر ئاگادار دەکرێنەوە

ئاڤا نیوز

 

بریکارەکانی سنووری پارێزگای هەولێر لەبارەی بەشەخۆراکی مانگە و دابەشکردنی سەبەتەی نوێی خۆراک ئاگادار دەکرێنەوە.

 

ڕاگەیێنراوی فەرمی: بەڕێوەبەرایەتیی بازرگانیی کەلوپەلی خۆراکی هەولێر ڕایگەیاند، ئـاگاداری ئەو بریکارانە دەکەینەوە لە بنکەکانی (201، 202، 203) و بنكه‌كانی ناوچه‌ دووره‌كان، 222 و 223، شەقڵاوە، هیران، هەریر و باسرمە، سبەی چوارشەممە، سەردانی بەڕێوەبەرایەتییەکەیان بکەن.

 

ئەوەی پێویستە بیزانیت: ئامانجی سەردانەکە بـــۆ وەرگرتنەوەی لیستی بریکاری خۆراک و پێشکەشکردنــــی پارەی لیستی بریکاری خۆراکە.

زانیاریی زیاتر: دەبێت هەر بریکارێک بڕی 16 هەزار دینار زیاتر بکاتە ناو ڤیزەکارت بۆ وەرگرتنەوەی ناسنامەی بریکاری ساڵی 2025، هاوکات بۆ وەرگرتنەوەی لیستی بریکاری خۆراک و شێوازی پارەدان تەنیا لە ڕێگای ڤیزەکارتی بانکی ( جنوب ئیسلامی ) دەبێت، هەر بریکارێک پێشەکی پارە پێشکەش نەکات و لیستی بریکاری نەباتەوە، بەشە خۆراکی بۆ ناچێت .