ترەمپ ستایشی ئەردۆغان دەکات

ئاڤا نیوز

سەرۆکی ئەمریکا لە میانی پێشوازیکردن لە تۆم باراک لە کۆشکی سپی، کە بۆ باڵیۆزی ئەمریکا لە ئەنقەرە کاندیدی کردووە، بە پیاهەڵدانەوە باسی لە تورکیا و ڕەجەب تەیب ئەردۆغان سەرۆک کۆماری تورکیا کرد.

چیرۆکی سەرەکی: ترەمپ، کۆبوونەوەیەکی لەگەڵ ئەو باڵیۆزانە ڕێکخست کە بۆ چەند وڵاتێکی جیاواز دەستنیشانکراون وە دوای ماوەیەکی کەم دەیاننێرێتە ئەو وڵاتانە، تۆم باڕاک کە وەک باڵیۆزی ئەمریکا لە ئەنقەرە کاندیدکراوە لەو کۆبوونەوەیدا بەشداربوو و ترەمپ وەسفی تورکیاو سەرۆکەکەی بۆ بەراک کرد.

لێدوانی فەرمی: بەراک سوپاسگوازی خۆی بۆ ترەمپ ڕاگەیاند بەوەی ئەوی وەک باڵیۆزی ئەمریکا بۆ تورکیا دیاریکردووە و گوتی: تورکیا "یەکێکە لە شارستانییەتە کۆنەکان"، ترەمپیش پێی دەڵێت: "تورکیا وڵاتێکی باشە و سەرۆکەکەشی باشە".

زانیاریی زیاتر: بەراک تەمەنی 77 ساڵە لە کالیفۆرنیا لە دایک بووە، قوتابخانەو زانکۆشی هەرلەوێ تەواو کردووە، هەروەها بڕوانامەی یاسایی لە زانکۆی سان دیێگۆ تەواو کردووە.

خێزانەکەی بەراک لە ساڵی 1900 لە لوبنانەوە بەرەو ئەمریکا کۆچیان کردووە، نەوەی خێزانێکی لوبنانی کریستیانە، باوکی بەقاڵ و داکی سکرتێرە بووە و لەشاری لۆس ئەنجلس گەورەبووە.

کە قووتابی بووە وەک پارێزەر لە سعوودیە کاریکردووە.

باراک  لە ساڵانی هەشتاکانی سەدەی ڕابردوودا وەک جێگری یاریدەدەری وەزیری ناوخۆ لە ئیدارەی رۆناڵد ڕیگان کاری کردووە. کە 40ـەمین سەرۆکی ئەمریکا بووە.