هەولێر ئامادەکاری بۆ جەژن دەکات

 

ئاڤا نیوز

ئامادەکارییەکانی جەژنی ڕەمەزان لە هەرێمی کوردستان دەستیپێکردووە، پارێزگاری هەولێریش دەڵێت 'پلان و بەرنامەی تایبەت بە جەژن ئامادەیە'.

چیرۆکی سەرەکی: بەهۆی نزیکبوونەوەی جەژنی ڕەمەزان کە دەکەوێتە هەفتەی داهاتووەوە، ئێستا ئامادەکارییەکان بۆ پێشوازیکردن لەم بۆنە ئاینییە لە هەرێمی کوردستان دەستیپێکردووە.

لێدوانی فەرمی: ئومێد خۆشناو، پارێزگاری هەولێر، بە ئاڤا میدیای ڕاگەیاند: هەموو پلان و بەرنامەیەکمان داناوە، لە ڕووی ئەمنی، کارگێڕی، گەشتوگوزار، ئاینی و مزگەوتەکانیشەوە ئامادەکاری کراوە و پلانەکان دانراون.

ئەوەی پێویستە بیزانیت: ڕۆژی شەممەی داهاتوو لیژنەی بینینی مانگ لە پارێزگا و ئیدارە سەربەخۆکان کۆدەبنەوە، ئەگەر مانگ بینرا ڕۆژی یەکشەممە دەکەن بە جەژن، بەڵام ئەگەر مانگ نەبینرا ڕۆژی دووشەممە دەبێت بە یەکەم ڕۆژی جەژنی ڕەمەزان.