43 سزادراوی ئێرانی لە هەرێمی کوردستانەوە ڕادەستی ئێران دەکرێنەوە

ئاڤا نیوز

بریکاری وەزیری دادی ئێران بۆ مافی مرۆڤ و کاروباری نێودەوڵەتی، گواستنەوەی 43 سزادراوی ئێرانی لە زیندانەکانی هەرێمی کوردستانەوە بۆ ناوچە جیاجیاکانی وڵاتەکەی ڕاگەیاند.

 

لێدوانی فەرمی: بەگوێرەی لێدوانێکی عەسکەر جەلالیان، بریکاری وەزیری دادی ئێران بۆ مافی مرۆڤ و کاروباری نێودەوڵەتی بۆ ئاژانسی ئیرنا، لە چوارچێوەی جێبەجێکردنی ڕێککەوتنی ئاڵوگۆڕی سزادراوان لەنێوان ئێران و عێراق، 20 سزادراوی ئێرانی لە چاکسازییەکانی کوردستانەوە کە 16 پیاو و 4 ژن بوون، بۆ ناوچە جیاجیاکانی وڵات گواستراونەتەوە بۆ ئەوەی لە شوێنی خۆیان حوکمەکانیان تەواو بکەن".

 

لە هەمان کاتدا: 23 سزادراوی دیکەی ئێرانی لە چاکسازییەکانی سلێمانی لە دوای تەواوکردنی هەموو ڕێکارە پێویستەکان بۆ ئێران گواسترانەوە.

 

ئەوەی پێویستە بیزانیت: بەر لە مانگێک لە چوارچێوەی ئەو ڕێککەوتنەی لەنێوان بەغدا و تاران هەیە بۆ ئاڵوگۆڕی زیندانییانی نێوان هەردوو وڵات، 130 سزادراوی ئێرانی لە عێراقەوە ڕادەستی ئێران کرانەوە.