پاپا: تورکیا دەتوانێت نێوەندگیری نێوان ئۆکرانیا و ڕووسیا بکات

ئاڤا نیوز

پاپا فرانسیس بەپێویستی دەزانێت ئۆکراینا بوێری دانوستانی لەگەڵ ڕووسیا هەبێت و تورکیاش دەتوانێت ڕۆڵی ناوبژیوان بگێڕێت.

وێنە گەورەکە: دوای دوو ساڵ تێپەڕبوون بەسەر جەنگی نێوان ڕووسیا و ئۆکراینا، هەوڵەکان بۆ ئاگربەست بەردەوامن و یەکێک لەو وڵاتانەی ئامادەیی بۆ نێوەندگیری نیشانداوە تورکیایە.

لێدوانی فەرمی: پاپا فرانسیس، ڕێبەری ڕۆحی کاسۆلیکەکان و سەرۆکی ڤاتیکان، لە چاوپێکەوتنێکدا لەگەڵ کەناڵی سویسڕا دەڵێت: ئۆکرانیا پێویستە بوێری دانوستانی هەبێت و تورکیاش پێشنیازی نێوەندگیری بۆ ئۆکراینا کردووە و دەتوانێت ئەو ڕۆڵە بگێڕێت.

"سەرکردەکانی ئۆکراینا گەر سەیری دۆخەکە بکەن و بیر لە هاووڵاتییان بکەنەوە، پێموایە بوێرییەکی گەورەیە ئاڵای سپی هەڵبدەن و بەرەو دانوستان لەگەڵ ڕووسیا هەنگاو بنێن" پاپا وا دەڵێت.

باکگراوند: لە سەردانەکەی هەینی ڕابردووی، ڤۆڵۆدمیر زێلێنسکی، سەرۆکی ئۆکراینا بۆ ئەنقەرە، ڕەجەب تەیب ئەردۆغان ئامادەیی وڵاتەکەی بۆ پێشوازیکردن لە لووتکەی ئاشتیی نێوان ڕووسیا و ئۆکراینا ڕاگەیاند.