هەرێمی کوردستان یەکەم ڕۆژی مانگی ڕەمەزانی دیاری کرد

ئاڤا نیوز

 

وەزارەتی ئەوقافی هەرێمی کوردستان یەکەم ڕۆژی مانگی ڕەمەزانی دیاریکرد و ڕۆژی دووشەممە 11ـی ئاداری 2024 وەک یەکەم ڕۆژی مانگی ڕەمەزانە.

 

لێدوانی فەرمی: د. پشتیوان سادق، وەزیری ئەوقاف و کاروباری ئایینی لە کۆنگرەیەکی ڕۆژنامەوانیدا ڕایگەیاند: دوای پرۆسەیەکی وردی چاودێریکردن دەرکەوت مانگ بینراوە، بۆیە لیژنەی باڵای بینینی مانگ بە پشتبەستن بە بەڵگە شەرعییەکان ڕایدەگەیێنێت سبەی دووشەممە 11-03-2024 یەکەم ڕۆژی مانگی ڕەمەزانە.

 

لەلایەکی دیکەوە: لە عێراق دیوانی وەقفی سوننی ڕایگەیاند، سبەی دووشەممە یەکەم ڕۆژی مانگی ڕەمەزانە، بەڵام شیعە ڕۆژی سێشەممەی وەک یەکەم ڕۆژی ڕەمەزان دیاری کرد.

 

زانیاریی زیاتر: هاوکات لە وڵاتانی سعودیە، ئیمارات، قەتەر، تورکیا، سووریا و بەحرەین و زۆربەی وڵاتانی ئیسلامی سوننە مەزهەب سبەی یەکەم ڕۆژی مانگی ڕەمەزانە.