ئێران لە ئەنجوومەنی ئاسایش سکاڵا لە دژی ترەمپ تۆمار دەکات

ئاڤا نیوز

 

لەگەڵ زیادبوونی هەڕەشەکانی ئەمریکا بۆ سەر ئێران، تاران لە ئەنجوومەنی ئاسایشی نەتەوە یەکگرتووەکان سکاڵایەک دژ بە ترەمپ تۆمار دەکات.

 

وێنە گەورەکە: لە چەند رۆژى ڕابردوودا جموجوڵە سەربازى و دیپلۆماسییەکانى نێوان تاران و واشنتن گەیشتووەتە ئاستێکی بەرز، دۆناڵد ترەمپ سەرۆکی ئەمریکا لەگەڵ گەڕانەوەی بۆ کۆشكی سپی بڕیاریدا سیاسەتی زۆرترین فشار بەسەر ئێراندا پەیڕەو بکات، ئێرانیش سوورە لەسەر هەڵوێستی کە واز لە بەرنامە ئەتۆمییەکەی خۆی ناهێنێت.

 

ڕاگەیێنراوی فەرمی: ئەمیر سەعید ئیروانی، باڵیۆزی ئێران لە نەتەوە یەکگرتووەکان لە نامەیەک ئاراستەی نەتەوەیەکگرتووەکان دەکات و تیایدا هاتووە، تاران بە توندی هۆشداری دەدات لە هەر جۆرە کردەوەیەکی سەربازی یان هێرشێک لەلایەن ئەمریکا یان ئیسرائیل ئەوا بە دڵنیاییەوە وەڵامی دەدرێتەوە''. 

- لەدرێژەی نامەکەدا هاتووە، لێدوانەکانی ترەمپ پێشێلکردنی ئاشکرای یاسا نێودەوڵەتییەکانە.

 

کاریگەری و لێکەوتەکان: ترەمپ هەڕەشەی توند لە ئێران دەکات و دوو بژاردەی دەخاتە بەردەم و دەڵێت، پێویستە خۆی یەکلایی بکاتەوە، واشنتن دانووستانی ڕاستەوخۆ دەوێت و دەیەوێت تاران بێتە سەر مێزى دانووستان، بەڵام ئێران دەڵێت، بۆ ئێستا دانووستانی ناڕاستەوخۆ باشترین بژاردەیە