سەرۆکوەزیران بارزانی: هیوادارین مانگی ڕەمەزان ببێتە مایەی خۆشگوزەرانی لە جیهاندا

ئاڤا نیوز

سەرۆکوەزیران بارزانی بەبۆنەی مانگی ڕەمەزان پەیامێکی پیرۆزبایی بڵاوکردەوە و هیوادەخوازێت مانگی ڕەمەزان ببێتە مایەی خۆشگوزەرانی و کۆتاییهاتنی نەهامەتی و قەیرانەکان لە جیهاندا.

 

پەیامی پیرۆزبایی: سەرۆکوەزیران بارزانی لە پەیامێکدا کە ئەمڕۆ یەکشەممە 10-03-2024 بڵاویکردووەتەوە و تێیدا هاتووە، "بە بۆنەی هاتنی مانگی پیرۆزی ڕەمەزان، گەرمترین پیرۆزبایی لە موسڵمانانی کوردستان و جیهان دەکەم، هیوادارم مانگی خێر و خۆشی و ئاشتی و ئارامی بێت".

 

درێژەی پەیام: "لە خوای گەورە و میهرەبان دەپاڕێینەوە، كە نوێژ و ڕۆژوو و عیبادەتی هەموومان قبوڵ بكات و مانگی پیرۆزی ڕەمەزان، ببێتە مایەی خۆشگوزەرانی و کۆتاییهاتنی نەهامەتی و قەیرانەکان لە جیهاندا". 

 

ئەوەی پێویستە بیزانیت: وەزارەتی ئەوقاف و کاروباری ئایینی هەرێمی کوردستان سبەی دووشەممە 11-03-2024 وەک یەکەم ڕۆژی مانگی ڕەمەزان دیاری کرد.