وەزارەتى کشتوکاڵ ناوی سەرجەم سوودمەندانی زەوی بڵاو دەکاتەوە

ئاڤا نیوز

 

پرۆسەی دابەشکردنی زەوی لە ناوچەکانی هەرێمی کوردستان بەردەوامە، وەزارەتی کشتوکاڵ و سەرچاوەکانی ئاو ناوی زیاتر لە شەش هەزار کەسی بڵاوکردەوە کە لە پرۆسەکە سوودمەند دەبن.

 

وێنە گەورەکە: لە پرۆسەی دابەشکردنی زەوی زیاتر لە 400 هەزار فەرمانبەر و خانەنشین لە سەرجەم ناوچەکانی هەرێمی کوردستان سوودمەند دەبن، لە ماوەی ڕابردوو سەرجەم وەزارەتەکانی لەڕێگەی بەڕێوەبەرایەتییە گشتییەکانیان فۆرمی فەرمانبەرانیان ئاراستەکردووە بۆ ئەوەی زەویان پێبدرێت، دوای وردبینی لە وەزارەتی شارەوانی ناوەکان گەڕێنراونەتەوە وەزارەتە پەیوەندیدارەکان.

 

ڕاگەیێنراوی فەرمی: بەگوێرەی ڕاگەیێنراوی فەرمی وەزارەتی کشتوکاڵ و سەرچاوەکانی ئاو، سەرجەم فەرمانگەکانی سەر بە وەزارەت شەش هەزار و 118 فەرمانبەر سوودمەند دەبن لە پرۆسەی وەرگرتنى زەوى لە پارێزگاکان و ئیدارە سەربەخۆکانى هەرێمى کوردستان.

 

ئەوەی پێویستە بیزانیت: دەتوانن لەڕێگەی ئەم دوو لینکەوە ناوی ئەوانە بزانن کە لە وەرگرتنی زەوی سوودمەند بوون:

 

لینکی یەکەم

 

لینکی دووەم