هاتووچۆی بارهەڵگر و ماتۆڕسکیل لە چەند ڕێگایەکی هەولێر قەدەغە دەکرێت

ئاڤا نیوز

 

بەڕێوەبەرایەتیی هاتووچۆی هەولێر بۆ پاراستنی سەلامەتی هاونیشتمانیان لە چەند ڕێگایەک قەدەغەی هاتووچۆی بارهەڵگر و ماتۆڕسکیل ڕادەگەیێنێت.

 

لێدوانی فەرمی: عەقید هێمن ئەمین، وتەبێژی بەڕێوەبەرایەتیی هاتووچۆی هەولێر بە ئاڤا میدیای ڕاگەیاند: لە ڕۆژی 4-4-2025، تا مانگی 11ـی ئەمساڵ هەموو ڕۆژێکی هەینی و ئەو ڕۆژانەش کە دەبنە پشوو، هاتووچۆی بارهەڵگر و ماتۆڕسکیل لەسەر شەقامی ناوچە گەشتیارییەکان قەدەغە دەکرێت.

 

زانیاریی زیاتر: لە کاتژمێر 07:00ـی بەیانی تاوەکو کاتژمێر 12:00ـی شەو قەدەغەکە دەستپێدەکات.

 

ئەوەی پێویستە بیزانیت: ئەو ڕێگایانەی بڕیارەکە دەیانگرێتەوە، شەقامەکانی کەسنەزان، هەنارە، کۆیە، هەولێر - پیرمام و شەقڵاوەن.