سەیرانگە و شوێنە گەشتیارییەكان لەمەترسی مین پاكدەكرێنەوە

 

ئاڤا نیوز

بەڕێوەبەرایەتی گشتیی كاروباری مین، ناوچە گەشتیارییەكان لە مین پاكدەكاتەوە، ڕێنمایی بە گەشتیاران و سەردانیكاران دەدات لەكاتی تێبینیكردنی مین و تەقەمەنی، پەیوەندیی بە هێڵی گەرمی پووچەڵكردنەوەی مین بكەن.

چیرۆکی سەرەکی: ئەمڕۆ یەکشەممە 2025-04-06، بەڕێوەبەرایەتيی گشتيی کاروباری مینی هەولێر، ژمارەیەک مین و تەقەمەنی، کە لەسەر ڕێگە و نزیک شوێنە گەشتیارییەکان بوون، پووچەڵ کردەوە.

ڕاگەیێنراوی فەرمی: بەڕێوەبەرایەتيی گشتيی کاروباری مینی هەولێر ڕایدەگەیەنێت، تیمەكانی لەناوبردنی تەقەمەنی، له‌ ناحیەكانى شێروان مەزن، پیران و دیانا، چوار ئەرکیان  بەسەركەوتوویی ئەنجامداوە و ژمارەیەک مین و تەقەمەنییان پووچەڵ کردووەتەوە. پاشان گواسترانەوە بۆ کۆگه‌، بە مەبەستی لەناوبردنیان.

ئەوەی پێویستە بیزانیت: هاووڵاتييان له‌ كاتى پێويست و تێبینیكردنی هه‌بوونى مين و ته‌قه‌مه‌نى، ده‌توانن په‌يوه‌ندى به‌ گه‌رمه‌هێڵى ژماره‌ 182ـی دەزگای گشتيی کاروباری مینه‌وه‌ بكه‌ن.