داهاتی سێ مانگی ئەمساڵی دەروازە سنوورییەکانی عێراق 600 ملیار دینارە

ئاڤا نیوز

دەستەی دەروازە سنوورییەکانی عێراق داهاتی سێ مانگی یەکەمی ئەمساڵی دەروازە سنوورییەکانی بڵاوکردەوە کە برەکەی 600 ملیار دینارە.

وێنە گەورەکە: بەشێکی داهاتی حکومەتی عێراق جگە لە داهاتی نەوت، داهاتی خاڵە سنوورییەکانە کە پشتی پی دەبەستێت، بە تایبەت دوای دابەزینی نرخی نەوت لە بازاڕەکانی جیهان، دەیەوێت داهاتەکەی فرە لایەن بکات و تەنها پشت بە داهاتی نەوت نەبەستێت.

ڕاگەیێنراوی فەرمی: دەستەی دەروازە سنوورییەکانی عێراق لە ڕاگەیێنراوێکدا ڕایگەیاند: کۆی داهاتەکانی مانگەکانی یەک و دوو و سێی ئەمساڵ، 600 ملیار دینار بووە، لەکاتێکدا لە هەمان ماوەی ساڵی 2024ـدا 471 ملیار دینار بووە، بەو پێیە داهاتی ئەمساڵ 129 ملیار دینار زیادیکردووە.

لە لایەکی دیکەوە: بەگوێرەی موستەفا گەرعاوی، ئەندامی لیژنەی دارایی پەرلەمانی عێراق، داهاتی مانگانەی حکومەتی عێراق تەنیا 137 تریلیۆن دینارە، کە مانگانە 94 تریلیۆن دینار بۆ مووچەی فەرمانبەر، خانەنشینان و چاودێریی کۆمەڵایەتیی خەرج دەکات.