ئێران لە ڕێگەی وڵاتێکەوە دانووستانی ناڕاستەوخۆ لەگەڵ ئەمریکا دەکات

ئاڤا نیوز

 

دوای ڕەزامەندی هەردوولایەنی ئێرانی و ئەمریکی بۆ دانووستان، بڕیارە ئێران لەڕێگەی ناوبژیوانێکەوە ئامادەیی دانووستانەکان بێت.

 

زانیاریی بەدەستهاتوو: ئاژانسی هەواڵی تەسنیمی ئێرانی ڕایگەیاند،'' عەباس عێراقچی، وەزیری دەرەوەی ئێران لە ڕێگەی ناوبژیوانێکەوە لەگەڵ ستیڤ ویتکۆف، نوێنەری باڵای ئەمریکا لە ڕۆژهەڵاتی ناوەڕاست وتووێژ دەکات''.

 

ئەمەش بزانە: ئەم پشتڕاستکردنەوەیە لە کاتێکدایە، عێراقچی ئاماژەیی بەوەکردووە، ئێران و ئەمریکا ڕۆژی شەممە دانووستانی "ئاستی باڵای ناڕاستەوخۆ" لە عومان ئەنجام دەدەن.

 

زانیاریی زیاتر: دۆناڵد ترەمپ سەرۆکی ئەمریکا، ئاماژەی بەوەکردووە، ''هەمووان هاوڕان لەسەر ئەوەی ڕێککەوتن باشترە لە هەر هەڵبژاردەیەکی دیکە، چونکە ئێستا چوونەتە قۆناغێکی زۆر هەستیار و مەترسیدار''.

 

ئەوەی پێویستە بیزانیت: ڕۆژی شەممە 12ـی 4ی 2025، لە ئاستی باڵا دیدار و دانووستانی ناڕاستەخۆی شاندی کۆماری ئیسلامیی ئێران و ئەمریکا لە عومان دەست پێدەکات.