پارێزگارێ دهۆکێ: هەمی پارزینگەهێن نەیاساییێن کواشێ هاتینە دائێخستن

ئاڤا نیوز

ب بڕیارا حکومەتا هەرێما کوردستانێ و ب چەند قۆناغان، هەمی پارزینگەهێن نەیاساییێن کواشێ هاتنە دائێخستن.

بۆچی گرنگە: دەما چەندین سالان بوو پارزینگەهێن نەیاسایی ل دەڤەرا کواشێ یا دهۆکێ ببوونە ئەگەرێ پیسکرنا ژینگەهێ و مەترسی لسەر ژیانا وەلاتیان.

داخویانیا فەرمى: عەلى تەتەر، پارێزگارێ دهۆکێ بۆ ئاڤا نیوز دیارکر؛ ئێک ژ کارێن گرنگ ل دەف کابینەیا نەهێ یا حکومەتا هەرێما کوردستانێ بۆ دهۆکێ دائێخستنا پارزینگەهێن نەیاساییێن کواشێ بوو، نوکە ئەو پارزینگەهە هاتینە دائێخستن و یێن مایی ژی دبن ڕێنمایێن حکومەتێ دا کار دکەن.

زیانیاریێن زێدەتر: ب گوتنا پارێزگارێ دهۆکێ، بێهنا نەخۆشا دەڤەرا کواشێ یا کارگەهێن پیشەسازیێیە و لایەنێن پەیوەندیدار بەردەوام چاڤدێریێ لسەر دكەن.

خالێن ئەرێنی: دائێخستنا وان پارزینگەهان د بەرژەوەندیا گشتی دایە و بزاڤەکە بۆ ڕێگریکرن ژ زێدەتر پیسبوونا ژینگەهێ و ژێدەرێن ئاڤی و بەرهەمێن چاندن.