پەرلەمانی چین دەسەڵاتی زیاتر بە حیزبی كۆمۆنیست دەدات

ئاڤا نیوز

پەرلەمانی چین یاسایەكی هەموار كردەوە، كە بە هۆیەوە دەسەڵاتی زیاتر بە حیزبی كۆمۆنیست دەدات تا كۆنترۆڵی زیاتری بە سەر حكومەت و ئەنجوومەنی دەوڵەتدا هەبێت. 

وێنە گەورەكە: كۆنگرەی نیشتیمانیی گەل، یان پەرلەمانی چین بە دوو هەزار و  883 دەنگی بەڵێ، هەشت دەنگی نەخێر و نۆ دەنگی خۆپاراستن لە دەنگدان، یاسای ئۆرگانیی ئەنجوومەنی دەوڵەتی هەموار كردەوە، بە گوێرەی هەموارەكە دەسەڵاتەكانی ئەنجوومەنی دەوڵەت كە سەرۆكوەزیرانی ئەو وڵاتە سەرۆكایەتیی دەكات و سەرپەرشتی حكومەتە خۆجێییەكان دەكات، كەمتر دەكرێنەوە و دەسەڵاتی زیاتر بە حیزبی كۆمۆنیستی چین دەدرێت. 

 

زانیاریی زیاتر: لە هەمواری نوێی یاساكەدا هاتووە: دەبێت ئەنجوومەنی دەوڵەت بە تەواویی پاڵپشتیی لە دەسەڵاتی كۆمیتەی ناوەندیی حیزب و سەركردایەتییە یەكگرتوو و ناوەندییەكەی بكات و پەیڕەویی لە بیری، شی جینپینگ، سەرۆكی حیزبی كۆمۆنیست و سەرۆكی چین، بكات.

ئەمەش بزانە: لە ساڵی 1982 ەوە ئەمە یەكەمجار ئەم یاسایە هەموار دەكرێتەوە.