بوومەلەرزەیەک لە میانمار ڕوویدا

ئاڤا نیوز

 

سەرلەبەیانی ئەمڕۆ یەکشەممە بوومەلەزرەیەک دووبارە ناوەڕاستی میانماری هەژاند.

 

زانیاریی بەدەستهاتوو: بوومەلەرزەیەک ئەمڕۆ یەکشەممە، 13-4-2025 ، لە باشووری شاری مەندالای ڕوویداوە، بەگوێرەی ڕاپۆرتێکی کەشناسی میانمار بڵاویکردەوە، بوومەلەرزەکە بە گوڕی 5.5 پلەی ڕێختەر لە ناوەڕاستی میانماری داوە. 

 

ئەوەی لە بارەیەوە دەگوترێت: تاوەکو ئێستا هیچ ڕاپۆرتێک لەبارەی زیانی گیانی و زیانی ماددی بڵاونەکراوەتەوە.

 

باکگرواند: لە 28-3-2025 بوومەلەرزەیەکی بەهێز بە گوڕی 7.7 پلە ڕێختەر میانماری هەژاند، چەند وڵاتێکی درواسێشی هەستیان پێکرد.

 

ژمارەکان وادەڵێن: بەپێی دوایین ئامارەکانی میانمار، بوومەلەرزەکەی مانگی ڕابردوو، بووە هۆی کوژرانی زیاتر لە سێ هەزار و 600 کەس، هاوکات نزیکەی پێنج هەزار کەسی دیکەش برینداربوون و چەندان کەسی دیکەش تاکوو ئێستا بێسەروشوێنن.

 

لەلایەکی دیکەوە: هەر ئەمڕۆ بوومەلەرزەیەکی دیکە بە گوڕی 6.4 پلەی تاجاکیستان هەژاندووە.