لاڤرۆڤ: ترەمپ لە نێو سەرکردەکانی ڕۆژئاوا بە باشترین شێوە لە دۆخەکە تێدەگات

ئاڤا نیوز

 

لەبارەی دانووستاندنەکانی نێوان ڕووسیا و ئۆکراینا، دۆناڵد ترەمپ، سەرۆکی ویلایەتە یەکگرتوەکانی ئەمریکا دەڵێت، "دانووستاندنەکان بەباشی بەڕێوەدەچن".

 

وێنە گەورەکە: جەنگی سێ ساڵەی نێوان ڕووسیا و ئۆکراینا لەگەڵ گەڕانەوەی دۆناڵد ترەمپ بۆ کۆشکی سپی گۆڕانکاریی گەورەی بەخۆیەوە بینی. بەنێوەندگیری ئەمریکا، دووجار دانووستاندنەکانی ئاشتی بۆ ڕووسیا و ئۆکراینا لە سعودیە بەڕێوەچوو، ترەمپیش سوورە لەسەر کۆتاییهێنان بەم شەڕە و ڕازیکردنی لایەنەکان لەسەر ئاگربەست.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، دانووستاندنەکان بۆ کۆتاییهێان بە شەڕی ئۆکراینا بە باشی بەڕێوەدەچێت.

 

بۆچوونی لایەنی بەرامبەر: سێرگی لاڤرۆڤ، وەزیری دەرەوەی ڕووسیا، ستایشی تێگەیشتنی ترەمپی کرد و پێی وایە ترەمپ لە نێو سەرکردەکانی ڕۆژئاوا بە باشترین شێوە لە دۆخەکە تێدەگات.

 

ئەوەی پێویستە بیزانیت: تاوەکو ئێستا ڕووسیا و ئۆکراینا لەسەر ئاگربەستێکی بنەڕەتی ڕێکنەکەوتوون، ئەمریکا هەر بەردەوامە لە دۆزینەوەی ڕێگەچارەیەک کە بتوانێت شەڕی نێوان هەردوولا ڕابگرێت، هاوکات بە هەوڵەکانی ئەمریکا توانرا ئاگربەستێکی 30 ڕۆژە لەنێوان هەردوو لایەن ڕابگەیێنێت.