ئیخڵاس دلێمی: مووچەی مانگی چوار لە کۆتایی مانگ ڕەوانە دەکرێت

ئاڤا نیوز

 

ئەندامێکی لیژنەی دارایی پەرلەمانی عێراق لەبارەی کاتی ڕەوانەکردنی مووچەی مانگی چوار  دەڵێت، "پێموایە هاوشێوەی مانگەکانی دیکە لە کۆتایی مانگدا ڕەوانە دەکرێت."

 

چیرۆکی سەرەکی: هەوڵەکان بۆ ئامادەکردنی لیستی مووچەی مانگی چوار بەردەوامن، لە هەفتەی ڕابردووەوە سیستمی پەیڕۆڵ کارا کراوە، لە ئێستادا کار لە سەر میزان موراجەعە و داهاتی ناوخۆ دەکرێت و پێشبینی دەکرێت ئەم هەفتەیە تەواو بێت.

 

لێدوانی فەرمی: ئیخڵاس دلێمی، جێگری سەرۆکی لیژنەی دارایی لە پەرلەمانی عێراق بە ئاڤای ڕاگەیاند: لیستی مووچە، مانگانە لەلایەن وەزارەتی دارایی کوردستانەوە ئامادە دەکرێت و ڕەوانەی وەزارەتی دارایی فیدڕاڵ دەکرێت، دوای وردبینیش مووچە دەنێردرێت.

زانیاریی زیاتر: "ئەوە شاراوە نییە کە دواکەوتنی مووچە ڕەهەندی سیاسی هەیە. هەوڵەکانی سەرۆکوەزیران مەسرور بارزانی لە فشارکردن لە حکومەتی فیدڕاڵ و پەیوەندییە ڕاستەوخۆکانی لەگەڵ سەرۆکوەزیرانی فیدراڵ سەبارەت بە گەرەنتیکردنی مووچە سەرکەوتوو بووە". ئیخلاس دلێمی وا دەڵێت.

ئەوەی پێویستە بیزانیت: ئەو ئەندامەی پەرلەمانی عێراق دەشڵێت، "ئێستا مانگانە مووچە ڕەوانە دەکرێت، بۆ مانگی چواریش پێموایە هاوشێوەی مانگەکانی دیکە لە کۆتایی مانگدا ڕەوانە دەکرێت."