نێچیرڤان بارزانی سەردانی فەرەنسا دەکات و لەگەڵ ئیمانوێل ماکرۆن کۆدەبێتەوە

ئاڤا نیوز

نێچیرڤان بارزانی، سەرۆکی هەرێمی کوردستان ئەمڕۆ بە سەردانێکی فەرمی دەچێتە فەرەنسا و سبەی دووشەممە لە کۆشکی ئیليزێ لەلایەن ئیمانوێل ماکرۆن، سەرۆکی فەرەنسا پێشوازی لێ دەکرێت.

 

چیرۆکی سەرەکی: به‌ سه‌ردانێكى فه‌رمى و له‌سه‌ر بانگهێشتى ئيمانوێل ماكرۆن، سه‌رۆكى فه‌ره‌نسا، ئه‌مڕۆ يه‌كشه‌ممه‌ 2025/4/13 نێچيرڤان بارزانى، سه‌رۆكى هه‌رێمى كوردستان، دەچێتە فەرەنسا و سبەی دووشەممە لەگەڵ ماکرۆن کۆدەبنەوە.

 

ڕاگەیێنراوی فەرمی: سەرۆکایەتیی هەرێمی کوردستان بڵاویکردەوە، "به‌پێى كارنامه‌ى سه‌ردانه‌كه‌، سبه‌ى دووشه‌ممه‌، نێچيرڤان بارزانى و ئيمانوێل ماكرۆن له‌ كۆشكى ئیليزێ، په‌يوه‌ندييه‌كانى فه‌ره‌نسا له‌گه‌ڵ عێراق و هه‌رێمى كوردستان و هاريكاريى هاوبه‌شى نێوانيان تاوتوێ ده‌كه‌ن".

 

• سەرۆکایەتی هەرێمی کوردستان ڕاشیگەیاندووە، "لە کۆبوونەوەکەدا لەبارەی به‌ره‌نگاربوونه‌وه‌ى تيرۆر و دوايين پێشهاته‌كانى ڕۆژهه‌ڵاتى ناوه‌ڕاست، گفتوگۆ دەکەن".

 

باكگراوند: پەیوەندییەكی دۆستانەی مێژوویی لە نێوان هەرێمی كوردستان و فەرەنسادا هەیە، لە چەندین وێستگەی گرنگدا، فەرەنسا پاڵپشتی و پشتیوانی خۆی بۆ خەڵكی كوردستان و قەوارە دەستووریی و سیاسییەكەی دووپاتكردووەتەوە، میوانداریكردنی سەرۆكی هەرێمی كوردستان لە كۆشكی ئیلیزێ، هێمایە بۆ پتەویی پەیوەندییە دوو قۆڵییەكانی نێوان فەرەنسا و هەرێمی كوردستان.