سه‌رۆككۆماری عێراق پیرۆزبایی له‌ خه‌ڵكی هه‌ڵه‌بجه‌ دەکات

 

ئاڤا نیوز

بە بۆنەی به‌ پارێزگابوونی هه‌ڵه‌بجەوە‌، سه‌رۆككۆماری عێراق پیرۆزبایی له‌ خه‌ڵكی هه‌ڵه‌بجه‌ كرد و ‌ بە هه‌نگاوێكی مێژوویی ناوی برد‌.

وێنە گەورەکە: دوای 12 ساڵ لە دواخستنیی بە هۆکاری جۆراوجۆر، ئەمڕۆ دووشەممە، 2025-04-14، پەرلەمانی عێراق بە زۆرینەی دەنگی ئەندامان، پرۆژەیاسای بە پارێزگابوونی هەڵەبجەی پەسەند کرد.

ڕاگەیێنراوی فەرمی: له‌تیف ڕه‌شید، سه‌رۆككۆماری عێراق له‌ ڕاگه‌یه‌نراوێكدا، بەپارێزگابوونی هەڵەبجەی بە هه‌نگاوێكی گرنگ‌ بۆ به‌دیهێنانی دادپه‌روه‌ری و وه‌فاداری بۆ خوێنی شه‌هیدان و خەڵکی ئەو شارەی کە گەورەترین تاوانیان بەرامبەر ئەنجامدرا ناو برد.

سه‌رۆك كۆماری عێراق ئاماژەی بەوەشکرد، ئه‌م هه‌نگاوه‌ مێژووییه‌ ‌ دانپێدانانە‌ بەو نەهامەتی و تاوانانەی كه‌ بووه‌ته‌ سومبولی نه‌مری مرۆڤایه‌تیی له‌ ویژدانی عێراق و جیهاندا.