کۆمیسیۆن سیستمێکی تووند بۆ کۆنترۆڵکردنی بانگەشەی هەڵبژاردن دەگرێتەبەر

ئاڤا نیوز

 

بەمەبەستیی ڕێکخستنی بانگەشەی هەڵبژاردن و سەپاندنی سزا بەسەر سەرپێچیکاران، کۆمسیۆنی باڵای سەربەخۆی هەڵبژاردنەکان عێراق سیستمێکی نوێی تووند دەگرێتەبەر.

 
وێنە گەورەکە: ئەنجوومەنی وەزیرانی عێراق ڕۆژی 2025-11-11ـی دیارکرد بۆ بەڕێوەچوونی هەڵبژاردنی خولی شەشەمی پەرلەمانی عێراق، کۆمیسیۆنی باڵای هەڵبژاردنەکانیش ئامادەیی خۆی بۆ بەڕێوەبردنی دەربڕی، پاڵپشت بە یاسای هەڵبژاردنەکانی ژمارە 12ـی ساڵی 2018 کە عێراق بەسەر 18 بازنەی هەڵبژاردن دابەش دەکات.

 

لێدوانی فەرمی:  حەسەن سەلمان عەتوانی، ڕاوێژکاری یاسایی کۆمیسیۆنی هەڵبژاردنەکانی ڕاگەیاند، بۆ سەرخستنی پرۆسەی بانگەشەی هەڵبژاردنی پەرلەمانی عێراق، کۆمیسیۆنی باڵای سەربەخۆی هەڵبژاردنەکان، سیستمێکی تایبەتی ئامادەکردووە بەناوی "سیستمی بانگەشەی هەڵبژاردن".

 

-بەپێی ئەو سیستمە جگە لەژمارەی دیاریکراو بۆ کاندیدان، سەرجەم ماف و مەرجەکانی بانگەشەی هەڵبژاردنیان بۆ ڕوون دەکرێتەوە.

 

-لەو سیستمەدا هەموو حاڵەتەکانی سەپاندنی سزا بەسەر ئەو کاندیدانەی سەرپێچی یاسای بانگەشەی هەڵبژاردنەکان دەکەن ڕوونکراوەتەوە، تاوەکو هیچ کاندیدێک یاخود لایەنێکی سیاسی خۆی لەبەرپرسیارێتی نەدزێتەوە.